|
 |
TOEKARENA |
|
|
Jovenna-Fanoloana menaka
Fanatsarana ny kalitaon’ny tolotra
|
|
Asa matihanina ! Tolotra vaovao indray no omen’ny mpaninjara solika Jovenna ny mpanjifa. Nomena ny anarana hoe «Prolub», ahitana ny karazana menaka sahaza ny fiara samihafa (mandeha gazoala na lasantsy), miampy ny fanoloana azy sy ny fanaraha-maso ny kojakoja hafa, toy ny bateria, ny «filtre» samihafa, ny «essuie-glace», sns.
Nahazo fiofanana manokana ny mpiasan’ny Jovenna misahana ireo andraikitra ireo, hanomezana fahafaham-po ny mpanjifa. Menaka tsara kalitao sy voaara-maso ary manara-penitra no ampiasaina, mba hahazoan’ny tompona fiara antoka ny fiarany. Anisan’ny mitsinjo ny tontolo iainana ny Jovenna. Atao anaty fitaovana manokana ny menaka avy nampiasaina, ary misy orinasa hafa, nahazo alalana tamin’ny Ofisin’ny solika eto Madagasikara (Omh), manangona azy indray avy eo.
Ampahatsiahivina fa misy ny loka, hisarihana fiara «Chevrolet» anankiroa, ho an’ireo mividy solika 5 litatra noho mihoatra sy ny fividianana vokatra ara-tsolika, toy ny tolotra «Prolub», ohatra. Hatao tsy ho ela ny fisarahina voalohany ary amin’ny fiandohan’ny taona 2010 ny faharoa.
Njaka A.
|
 |
|
|
|
|
|
|
|
|
| Fanadihadiana |
 |
|
|
|
|
| |
|
