|
 |
TOEKARENA |
|
|
Tolo-bidy fitrandrahan’ala
340 tapitrisa Ar ho an’ny ala 250 ha
|
|
Nidangana izaitsizy ! Taitra avokoa ireo mpandraharaha nanolotra tolo-bidy liana hitrandraka ny vondron’ala iray any Andilamena (Vakoana Marimbona). Fito izy ireo no nanao ny fitsidihana ny toerana herinandro vitsy lasa izay, saingy efatra ihany no nanao tolotra ara-bola sy ny ara-teknika. Tamin’ny alarobia lasa teo no nanokafana ny valopy mirakitra ny tolotra ara-bola sy ara-teknikan’izy ireo. Sahy nividy ny ala hatrany amin’ny 340 tapitrisa Ar ny mpandraharaha iray (miara-miombon’antoka amin’ny olona vitsivitsy) nahazo azy, raha manodidina ny antsasany na ny ampahadimy ny hafa. Mirefy 250 ha monja io ala io, izay hotrandrahina ao anatin’ny 36 volana eo ho eo. Raha ampitahaina amin’ilay vondron’ala any amin’ny distrikan’Amparafaravola (Sahamora) izay mirefy 150 ha anefa, 50 tapitrisa Ar no nahazoan’ilay mpandraharaha iray hafa azy, hotrandrahina ao anatin’ny 18 volana. Marihina fa ity olona iray ity ihany no nanome tolo-bidy, raha nanao ny fitsidihana koa iretsy fito voalaza etsy ambony. Aorian’ny fandoavana manontolo ny vola, vao omena ny fahazoan-dalana hitrandraka.
Nahavariana tamin’ity raharaha ity ny nanatanterahina azy nialoha ny faran’ny taona. Mila vola maika ve ny fanjakana, toy ireny nitranga mikasika ny «bois de rose» tany Sava ireny ? Herinandro vitsy lasa izay no nampiaka-peo ny mpandraharaha matihanina sy manana masinin-kazo tany Moramanga, mikasika ny ampihimamba ataon’ny tompon’andraiki-panjakana vitsy ny alan’i Fanalamanga.
Njaka Andriantefiarinesy
|
 |
|
|
|
|
|
|
|
|
| Fanadihadiana |
 |
|
|
|
|
| |
|
