|
 |
POLITIKA |
|
|
Hevitry ny mpanao politika sy mpandraharaha sasany
|
|
<b> Reboza. (ankolafy Andry Rajoelina) Iza marina no sahy handray anjara ?
Ny vahoaka no tompon’ny fahefana sy tompon’ny teny farany araka ny Lalàmpanorenana. Efa natao ny fanelanelanana fa tsy nahomby. Koa avelao ny vahoaka hifidy izay homeny ny fahefana amin’izay. Tokony hijoro ny fiarahamonim-pirenena hanangana ny komity momba ny fifidianana mahaleo tena. Toy izany koa ireo fikambanam-behivavy. Fanontaniana, iza marina no sahy handray anjara ? Rehefa hatao mantsy ny fifidianana, betsaka no mihalangalana fa rehefa hizara seza samy mihazakazaka daholo.
Hary Andriantefihasina. (mpandraharaha)
Ny azoko ambara, sahirana ny mpandraharaha. Manana ny hevitro manokana aho fa ny manahirana, raha milaza izany, avy hatrany ny olona mora mitsara, tsy ampy «recul». Ny azoko ambara, sahirana mafy ny mpandraharaha tamin’ity taona ity. Tsy hoe akory izahay nahazo ny TJE 2009 dia nandeha tsara daholo, tsia ! Raha tsy nisy an’iny krizy iny, tokony ho tafakatra avo telo heny ny vola nampiasainay tato amin’ny Ouvrages et Travaux Industriels tamin’ity taona ity. Efa matetika ny sendikan’ny asa vaventy no nilaza ny voka-dratsin’ izao krizy izao.
Tsaranazy Jean Emile. (ankolafy Ratsiraka) « Après coup d’Etat, coup de force» «Après coup d’Etat, coup de force». Izay no azoko ilazana iny fanambarana iny. Hanaiky hanao izany fifidianana izany ve ireo ankolafy hafa ? Vao mainka isika tafiditra anaty krizy lalina. Efa nampiongana an-dRavalomanana io fomba io dia mbola alain-tahaka ihany. Fomba fotsiny ny hoe hanangana komity momba ny fifidianana mahaleo tena fa tsy hisy fifidianana mazava sy marina eto izay homanina ao anatin’ny fotoana fohy. Ho betsaka ny hala-bato toy ny teo aloha.
Nangonin’i R.Mathieu
|
 |
|
|
|
|
|
|
|
|
| Fanadihadiana |
 |
|
|
|
|
| |
|
