|
 |
TRANGA |
|
|
Mahajanga
Voasambotra ilay zandary namono olona
|
|
Roa taona taty aorian’ny nanaovany vonoan’olona nahatsiravina vao voasambotra tany Mahajanga ny zandary iray manana barety roa anisan’ny mpiambina teo anivon’ny andrim-panjakana loholona. Notifirin’ity mpitandro filaminana ity ny basy teo amin’ny tampon-dohany ny mpanampy ny rahavavin’ny tovovavy sakaizany, ny 26 desambra 2007 teny Ambaniantsimo, Tanjombato. Nisy fety tao amin’ilay tovovavy niaraka taminy tamin’io fotoana io. Vory lanona niara-nisotro sy nihinana ny fianakaviany. Niakatra ny marim-pana avy eo ka nahatonga ilay zandary naka basy sy nitifitra ilay mpanampy vao 24 taona, izay maty tsy tra-drano. Ilay zandary kosa nitsoaka ary tsy hita intsony raha tsy ny talata teo tany Mahajanga. Nentina niakatra teto an-drenivohitra izy ary natolotra ny fampanoavana ny zoma teo. Nahazo fahafahana vonjimaika anefa ka nahatezitra mafy ny fianakavian’ny niharam-boina sy ny mpanao famotorana. Naverina teny amin’ny fampanoavana indray izy omaly fa nahazo fahafahana vonjimaika hatrany mandra-pahatongan’ny fotoam-pitsarana.
Henintsoa R.
|
 |
|
|
|
|
|
|
|
|
| Fanadihadiana |
 |
|
|
|
|
| |
|
