|
 |
FANATANJAHANTENA |
|
|
Cyclisme – Tour de Mada
11 ny ekipa malagasy hifaninana
|
|
Ekipa malagasy 11 no hifaninana amin’ny « Tour de Mada », taranja hazakazaka am-bisikileta. Mahatratra 66 ny mpihazakazaka mandrafitra ireo ekipa ireo amin’ity andiany faha-6 karakarain’ny federasiona malagasy (Fmc) ity. Ny voalohandohan’ny volana desambra izao no hanatanterahana ny hetsika ka mifototra any amin’iny Faritra Atsimo Andrefana iny indray ny fifaninanana amin’ity taom-pilalaovana ity. Izany hoe, any amin’ny tanànan’i Vangaindrano, Farafangana sy Manakara ary Mananjary, sns, no hizorany mialohan’ny higadonany eto an-drenivohitra. Tamin’ny alalan’ny fifaninanana natokana ho an’ireo kalaza isaky ny ligim-paritra « Trophée des As » farany teo kosa no nifantenana azy 66 mirahalahy ireo ka notsinjaraina ho ekipa 11. Izany hoe, atleta enina no mandrafitra ny ekipa iray.
Araka ny vaovao voaangona teny anivon’ny federasiona, firenena vahiny telo, Mayotte sy Frantsa ary La Réunion, no handray anjara amin’io ankoatra an’i Madagasikara mpampiantrano. Efa eo am-panomanana tanteraka ireo mpihazakazaka malagasy amin’izao fotoana. Marihina fa saika ry zareo vahiny hatrany no nahazo ny « Tour de Mada » tamin’ireo andiany teo aloha.
Miary Narindra
|
 |
|
|
|
|
|
|
|
|
| Fanadihadiana |
 |
|
|
|
|
| |
|
