|
 |
FANATANJAHANTENA |
|
|
Volley-ball
Saika tsy afaka ny Ift
|
|
Teo amin’ny «tie-break» vao afaka nanoloana ny Stef’Auto (Atsinanana) ny Ift (Analamanga) omaly, tetsy amin’ny kianja mitafon’Ankorondrano, nandritra ny andro fahatelon’ny fifanintsanana amin’ny fiadiana ny tompondakan’i Madagasikara, taranja volley sokajy vehivavy. Saika tsy tafavoaka mihitsy ny Ift na dia efa nitarika tamin’ny seta 2 noho 0 (25/ 23, 25/20) aza. Teo amin’ny seta fahatelo farany no nanao fahadisoana betsaka ry Mendrika, Rose De Lima ary Rina sy ny namany ka nohararaotin-dry Elia sy ry Vévé ao amin’ny Stef’Auto izany. Tamin’ny isa 25 noho 20 no nahazoan’ity ekipan’Atsinanana ity io seta io. Mbola tamin’io isa io ihany no nahazoan-dry zareo ny seta fahefatra mitondra mankany amin’ny «tie-break», izay nahatafavoahan’ny Ift ho mpandresy tamin’ny isa 18 noho 16. Hatreto, tao anatin’ireo lalao telo natrehan’ny Ift, fandresena avokoa no azony raha fandresena iray sy faharesena iray ny an’ny Stef’Auto tamin’ireo lalao roa nataony.
Miary Narindra
|
 |
|
|
|
|
|
|
|
|
| Fanadihadiana |
 |
|
|
|
|
| |
|
