Barea vehivavy
Hilalao amin’ny alina atsy La Réunion
|
|
<b> Vonona ny Barea vehivavy, hiatrika ny lalao miverina hikatrohana amin’i La Réunion, eo amin’ny fifanintsanana amin’ny «Mondial 2010», hatao any Alemaina. Amin’ny alina no hanaovana ny lalao ao amin’ny kianja St André, La Réunion.
Amin’ny asabotsy 7 novambra izao no hifamerina hikatroka ny Barea de Madagascar sy ny ekipam-pirenen’i La Réunion, eo amin’ny fifanintsanana amin’ny Mondial 2010, sokajy vehivavy. Ao amin’ny kianjan’i St André no hanatanterahana ny lalaon’ny roa tonta. Hiavaka satria tsy amin’ny antoandro fa amin’ny alina no hatao izany. Manoloana izany, mitaraina ny Barea fa tsy misy afa-tsy amin’ny alakamisy no mahazo ny kianjan’i Mahamasina mba hahafahana miomana amin’izany. Mety hisy fiantraikany ihany izany satria samy hafa mihitsy ny fomba filalao amin’ny alina sy antoandro. Mila fahazarana eo amin’ny maso sy ny hazavana. Ankoatra izay, hanainga ny zoma izao izy ireo ary any amin’ny 80 km, miala ny kianja hilalaovana no mipetraka. Na eo aza izany rehetra izany, vonona ireo mpilalao 18 mirahavavy. Efa nasian’ny mpanazatra fanitsiana ihany koa ny lesoka tsy nety nandritry ny lalao mandroso. Marihina fa mila mandresy 2 noho 0 ny Barea vao tafita satria efa resy 3 noho 1 tetsy Mahamasina.
Tompondaka
Ny lisitr’ireo mpilalao :
Malala, Haingo, Bodo, Olivia, Mbolatiana, Elisa, Angèle, Sophie, Eulalie, Collette, Jessica, Fabiola, Lydia, Ouarda, Fetra, Nadia, Irène, Domoina.
Eliezard (Filohan’ny delegasiona), Johasy Eleonore (delegasiona), Herihaja sy Hanitra (mpanazatra), Albertine (mpitsabo).
|
 |
|
|
