|
 |
TRANGA |
|
|
Mpivarotena ao La Réunion
Tovovavy gasy ny 85%
|
|
Araka ny vaovao navoakan’ny gazety iray ao amin’ny Nosy La Réunion, hita ao amin’ny tranonkalan’ny Jir (Clicanoo.com), tovovavy malagasy ny 85 %-n’ny mpivarotena any an-toerana. Fanadihadiana nataon’ny fikambanana miady amin’ny Sida Mjc any La Réunion no nahazoana io antontan’isa io. Mahatratra 120 ka hatramin’ny 150 ny vehivavy mivarotena, ary 25 ny sarimbavy any Saint-Dénis araka ny fanadihadiana ihany. Manodidina ny 35 taona ny salan-taonany, izay avy aty Madagasikara ny ankamaroan’ireo. Ny 33 %-n’ireo no milaza fa vonona ny hiala amin’ny asa fivarotan-tena raha toa ka mahita asa. Araka izany, mampalahelo ihany ny toe-javatra tahaka izao, satria miafara amin’ny asa ratsy toy izany ny fialan’ny tovovavy malagasy avy eto an-toerana mankany ivelany any. Asa na manao ahoana ny fanaraha-maso ny anton-dian’izy ireny raha miala eto an-tanindrazana. Misy ireo ambasady mikarakara «Visa» no manao famotorana, indrindra raha vehivavy no mitady izany, koa raha tsy asa na fianarana matotra sy raikitra no aleha any amin’ny firenena iray dia tsy manome izany ry zareo.
Yves S.
|
 |
|
|
|
|
|
|
|
|
| Fanadihadiana |
 |
|
|
|
|
| |
|
