|
Nandefa taratasy manasa ny Filoha Ravalomanana Marc, hiatrika ny fivoriana faha-4, hotarihin’ny Gic eto Madagasikara, etsy amin’ny Carlton, amin’ny 17 desambra izao, Ramtane Lamamra, kaomiseran’ny fandriampahalemana sy ny filaminana eo anivon’ny Vondrona Afrikanina, omaly. Nasainy marihina amin’izany koa ireo delegasionan’ny ankolafy Ravalomanana hiatrika io fivoriana io. Raha izao, ho tafaverina eto an-tanindrazana izany ny Filoha Ravalomanana sy ireo delegasiona tavela any Afrika Atsimo.
|
